Datum dil turnier: Sonda , ils 13 da schaner 2024 allas 8.30 – 22:30 uras
Preziadas amitgas, preziai amitgs dil giug da troccas
L’uniun grischuna da troccas selegra d’envidar Vus al gissiatavel campiunadi grischun da troccas.
Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.
Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas – che stat en stretg connex cun il lungatg romontsch – duei vegnir promovius e fatgs enconuschents sur ils cunfins da nossa regiun.
Nus sperein d’astgar beneventar Vus ils 13 da schaner 2024 al gissiatavel campiunadi grischun da troccas a Mustér.
Vossa uniun grischuna da troccas
__________________________________________
Informaziuns
Program
sonda, ils 13 da schaner 2024 allas 8.30 – ca. 22:30 uras
Liug
Ustria casa Cruna, Mustér
Gruppas
Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).
Modus da giug
Ei vegn mintgamai dau dus giugs per runda. Otg teams sequalificheschan per la runda finala. Il quart-final, il miez-final ed il final vegnan giugai sur 3 giugs.
Cuosts
190.00 francs per team (giuvenils tochen 20 onns pagan la mesadad)
La contribuziun sto vegnir pagada ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius.
Cumpriu ein il gentar. petta e caffè.
Meinagiug
Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).
Premis
Ils emprems treis victurs/Ils emprems treis victurs/las empremas treis victuras survegnan premis en bar. L’altezia sedrezza tenor il diember d’annunzias. Mintga team survegn in premi da regurdientscha.
Annunzia
tochen ils 31 da december 2023
– a scret: Annalisa Cathomas, Via Bual 17, 7130 Glion, 081 943 32 59
– via mail: annalisacathomas@hotmail.com
– egl internet sut: www.troccas.ch
Conto
Uniun grischuna da troccas
Banca Raiffeisen Cadi, Mustér,
IBAN CH81 8080 8007 5870 1039 8
Nus selegrein sin buns giugs e sin Vossa cumpignia!
______________________________
